Laif-Uffnaame gits naduurgemäss kaini aber mit hänn d Värs trotzdäm yygsunge
aifach under em Bangg uffs Dreiegg gligge und mer föön aa singe, falls es e Uffnaam git.
aifach under em Bangg uffs Dreiegg gligge und mer föön aa singe, falls es e Uffnaam git.
Gseesch aine um dr Märthoof-Egge gnaisse,
verstoole hebbt är s Piccolo im Sagg.
En andre hett e roote Grind, e haisse,
drait uff em Buggel ganz e runde Pagg.
Baidi seggle wyter, grad, göhn haim zer Frau go pfuuse
und eerscht wo die se pägglet löhn si denn dr Urschrey uuse.
verstoole hebbt är s Piccolo im Sagg.
En andre hett e roote Grind, e haisse,
drait uff em Buggel ganz e runde Pagg.
Baidi seggle wyter, grad, göhn haim zer Frau go pfuuse
und eerscht wo die se pägglet löhn si denn dr Urschrey uuse.
Dass 100 Meter Gländer d Wält beweege,
gseesch zwüsche Pfalz und Wettstaibrugg am Rhy.
S sinn d Rittergässler als wie mee dergeege:
dää Wääg doo unde dure darf nit syy!
"Mr leen nit lugg, mr gänn nit noo" maint ain vom Daig zem Andere:
"sunscht kennt emänd no s gmaine Volgg uns aafoo unterwandere".
gseesch zwüsche Pfalz und Wettstaibrugg am Rhy.
S sinn d Rittergässler als wie mee dergeege:
dää Wääg doo unde dure darf nit syy!
"Mr leen nit lugg, mr gänn nit noo" maint ain vom Daig zem Andere:
"sunscht kennt emänd no s gmaine Volgg uns aafoo unterwandere".
Dää Maischter doo isch technisch überlääge,
dangg coolem Hirni gwünnt är das Tournier.
Sy Noochbere, zerleggt und rächt verwääge,
liggt meh als numme blutt in Halle 4.
So wie die dryygseen wurde mir am Änd doch eender saage(n):
Mr reede lieber nit vom Haagen - mehr vom Unbehaage(n).
dangg coolem Hirni gwünnt är das Tournier.
Sy Noochbere, zerleggt und rächt verwääge,
liggt meh als numme blutt in Halle 4.
So wie die dryygseen wurde mir am Änd doch eender saage(n):
Mr reede lieber nit vom Haagen - mehr vom Unbehaage(n).
Dr Kohl verkohlt ganz Dütschland unverhoole;
wär Kohle hett, hett au bekanntlig d Macht.
Ebb gspändet, überwiisen oder gschtoole:
s wird haimlig neume schwarzi Kasse gmacht.
Esoone Missstand dritt bi uns zem Glügg uff kai Fall yy:
Bi uns ghöört d SVP diräggt dr Firma Ems-Chemyy.
Das stimmt nit ganz, das merggt doo inn dr hinterletschti Penner,
denn s billig Gschwätz vom Blocher gmahnt ys irgendwie an Denner!
wär Kohle hett, hett au bekanntlig d Macht.
Ebb gspändet, überwiisen oder gschtoole:
s wird haimlig neume schwarzi Kasse gmacht.
Esoone Missstand dritt bi uns zem Glügg uff kai Fall yy:
Bi uns ghöört d SVP diräggt dr Firma Ems-Chemyy.
Das stimmt nit ganz, das merggt doo inn dr hinterletschti Penner,
denn s billig Gschwätz vom Blocher gmahnt ys irgendwie an Denner!
Pünggtlig sinn hütt d Drämmli fascht wie friehner:
kasch froo syy, wenn dört wartsch wo au ains faart.
Wie d Hoffnig sinn hütt d Drämmli, numme griener,
zidroonegääl s neu Logo, ganz apart.
D Spiraalen isch d Unändligkait, d Banane bruuchsch zem Raschte,
ass Du bi dääne Wartezytte nit so lang muesch faschte.
kasch froo syy, wenn dört wartsch wo au ains faart.
Wie d Hoffnig sinn hütt d Drämmli, numme griener,
zidroonegääl s neu Logo, ganz apart.
D Spiraalen isch d Unändligkait, d Banane bruuchsch zem Raschte,
ass Du bi dääne Wartezytte nit so lang muesch faschte.
Will d Mugge d Menschehirni dien entzünde,
versprützt me z Nü Yorgg massewyys Chemy.
Mir Schöörloggs kombiniere und verkünde,
das miesst au in der Schwyz und Ööschtryych syy.
Nur sinn bi uns die Kääfer geege gwöönligs Gift immun:
drum sprütze mir mit Bloch-Ex, Haid-Ex oder Anti-Bruun.
versprützt me z Nü Yorgg massewyys Chemy.
Mir Schöörloggs kombiniere und verkünde,
das miesst au in der Schwyz und Ööschtryych syy.
Nur sinn bi uns die Kääfer geege gwöönligs Gift immun:
drum sprütze mir mit Bloch-Ex, Haid-Ex oder Anti-Bruun.
Dr NASA ihri Sonde göön go baade,
die lande sogar uff em Mars im Schilf.
Me duet im Hubble neuy Kraisel laade
und bittet dr Claude Nicollier um Hilf.
Dää goot ans Wärgg, gnaisst aimool dryy
und rieft hailloos verschreggt:
y glaub y haa, knapp rächts vo Wien,
s eerscht bruune Loch entdeggt!
die lande sogar uff em Mars im Schilf.
Me duet im Hubble neuy Kraisel laade
und bittet dr Claude Nicollier um Hilf.
Dää goot ans Wärgg, gnaisst aimool dryy
und rieft hailloos verschreggt:
y glaub y haa, knapp rächts vo Wien,
s eerscht bruune Loch entdeggt!
Wänn Si als Investoore überlääbe?
Novartis-Aggzie sott me gheye loo!
D Vasalle vom Vasella sinn dernääbe,
wie kaa’s au zueme soone Fauxpas koo?
Si forsche an de Hirni jetzt ussgrächnet z Züri hinde,
derby sinn grad in Züri hinde weeni Hirni z finde.
Novartis-Aggzie sott me gheye loo!
D Vasalle vom Vasella sinn dernääbe,
wie kaa’s au zueme soone Fauxpas koo?
Si forsche an de Hirni jetzt ussgrächnet z Züri hinde,
derby sinn grad in Züri hinde weeni Hirni z finde.
Zwai Frangge für e Brief, das losst di würge,
e Zwanzger koschtet s Päggli, das isch klar.
Bressierts no muess scho ain fürs Porto bürge,
yyschryybe gits grad nur no mit Notar.
Und öbbe vo dr Fasnacht aa spaare scho die maischte,
ass si sich denn für d Wiehnachtskärtli s Porto könne laischte.
Wenn das e dääwääg wyter goot, no wärde mir am Änd
scho bim Gedanggen an e Brief e bitzli imposchtänt.
e Zwanzger koschtet s Päggli, das isch klar.
Bressierts no muess scho ain fürs Porto bürge,
yyschryybe gits grad nur no mit Notar.
Und öbbe vo dr Fasnacht aa spaare scho die maischte,
ass si sich denn für d Wiehnachtskärtli s Porto könne laischte.
Wenn das e dääwääg wyter goot, no wärde mir am Änd
scho bim Gedanggen an e Brief e bitzli imposchtänt.
D Queen Mum vo Aengland, d Mueter vo dr Queen, halt
isch mit em Churchill in die glyychi Glass.
Si wird no das Joor ganzi 100 Joor alt,
guet konserviert, si sufft dr Gin vom Fass.
Die ganzi Royal Family isch very mötsch verwöndret,
will die sinn doch naduurgemääss alli nit ganz höndred.
isch mit em Churchill in die glyychi Glass.
Si wird no das Joor ganzi 100 Joor alt,
guet konserviert, si sufft dr Gin vom Fass.
Die ganzi Royal Family isch very mötsch verwöndret,
will die sinn doch naduurgemääss alli nit ganz höndred.
Mr göön ys als am Samschtig go erlaabe,
in d Langen Eerle wo dr Jogger keucht.
Doo fliegt uffs Mool e Loggi oobenaabe,
me glaubt jo nit, was doo so kreucht und fleucht.
Me mungglet jetzt die Dütschi Bahn haig haimlig dört im Dunggle
dr Pendolino heerti-teschtet, wemme drinn duet schunggle.
Dementi vo dr Dütsche Bahn: „Wir wollten nur mal schaun,
wie stark ist dort am Wiesendamm der Maschendraht im Zaun?"
in d Langen Eerle wo dr Jogger keucht.
Doo fliegt uffs Mool e Loggi oobenaabe,
me glaubt jo nit, was doo so kreucht und fleucht.
Me mungglet jetzt die Dütschi Bahn haig haimlig dört im Dunggle
dr Pendolino heerti-teschtet, wemme drinn duet schunggle.
Dementi vo dr Dütsche Bahn: „Wir wollten nur mal schaun,
wie stark ist dort am Wiesendamm der Maschendraht im Zaun?"
