Laif-Uffnaame gits naduurgemäss kaini aber mit hänn d Värs trotzdäm yygsunge
aifach under em Bangg uffs Dreiegg gligge und mer föön aa singe, falls es e Uffnaam git.
aifach under em Bangg uffs Dreiegg gligge und mer föön aa singe, falls es e Uffnaam git.
Uns duet dä Günther Hagen zimmlig gruuse,
well är esoo vyl Körper plaschtiniert:
e Dail dervoo muess ewig zämme schmuuse,
im Lääbe hätte die nie kopuliert.
Au dää doo – mee als füdleblutt – gseet alt uss, doch är isch
vom coop-Ablaufdatum här – no ywandfrey und frisch.
well är esoo vyl Körper plaschtiniert:
e Dail dervoo muess ewig zämme schmuuse,
im Lääbe hätte die nie kopuliert.
Au dää doo – mee als füdleblutt – gseet alt uss, doch är isch
vom coop-Ablaufdatum här – no ywandfrey und frisch.
Mr dringgen als bim Bängglere e Dröpfli,
und löön nadürlig s Auti denn dehai.
Dr Châteauneuf styggt schampar schnäll ins Köpfli,
do wärs per pedes zwyt uff Münchestai.
Drum faare mir im Drämmli hai – denn hämmer nit so kalt:
der Zähner macht jo neuerdings – in unsrer Stube Halt.
und löön nadürlig s Auti denn dehai.
Dr Châteauneuf styggt schampar schnäll ins Köpfli,
do wärs per pedes zwyt uff Münchestai.
Drum faare mir im Drämmli hai – denn hämmer nit so kalt:
der Zähner macht jo neuerdings – in unsrer Stube Halt.
Mit Unterricht in sexuelle Sache
hänn verglemmti Eltere schwäär Mieh;
so Züüg sott me nit zaige und nit mache;
wie dien sich die vermehre – nundedie?
Dr Hansli findet d Sexkund geil – är macht jetzt jeden Oobe,
mit Nochber's Susi zämme – in sym Zimmer d Huusuffgobe!
Es glemmt, wenn d Puritaner geege d Pornoköffer pööble
denn d Susi kaa au ohni Koffer mit em Hansli prööble.
hänn verglemmti Eltere schwäär Mieh;
so Züüg sott me nit zaige und nit mache;
wie dien sich die vermehre – nundedie?
Dr Hansli findet d Sexkund geil – är macht jetzt jeden Oobe,
mit Nochber's Susi zämme – in sym Zimmer d Huusuffgobe!
Es glemmt, wenn d Puritaner geege d Pornoköffer pööble
denn d Susi kaa au ohni Koffer mit em Hansli prööble.
Dr Muselmaa isch haiggel nundefahne,
sy Muselfrau darf nur ins Frauebad,
dört schwimmt si im Burkini iiri Bahne;
und s Eglisee heisst jetzt – Islamabad.
Scharia herrscht im „Fraueli“ – im Gartebad rächts hinde
dass unter Wasser au nüt gseesch – fülle sys mit Dinte.
Me duet sich im Palaver uff ai Scharia-Ussnahm einige:
Me stellt an d Bocciabaan e Schild – Bitte doo nit steinige!
sy Muselfrau darf nur ins Frauebad,
dört schwimmt si im Burkini iiri Bahne;
und s Eglisee heisst jetzt – Islamabad.
Scharia herrscht im „Fraueli“ – im Gartebad rächts hinde
dass unter Wasser au nüt gseesch – fülle sys mit Dinte.
Me duet sich im Palaver uff ai Scharia-Ussnahm einige:
Me stellt an d Bocciabaan e Schild – Bitte doo nit steinige!
Mir sinn vom VC Adullam d Seniore,
und radle an dr Tour de Suisse no mit.
Hänn Schwiele vo de Füdle bis and Ohre,
sinn aber dangg em Dr. Fuentes fit.
Vor Dopingtescht hän mir kai Angscht – wie sälli ominöse
Radsportprofi – Nai – Es glemmt jo scho bim Wasserlöse.
und radle an dr Tour de Suisse no mit.
Hänn Schwiele vo de Füdle bis and Ohre,
sinn aber dangg em Dr. Fuentes fit.
Vor Dopingtescht hän mir kai Angscht – wie sälli ominöse
Radsportprofi – Nai – Es glemmt jo scho bim Wasserlöse.
Die Blocher kaufe z Basel jede Plunder,
si raffe wahlloos alles was guet lauft.
noo Läggerli und BaZ nimmt uns doch wunder
hänn si dr FCB emänd scho kauft?
Kaufet doch e Schnitzelbangg – als näggschte Schritt das wärs!
Mir wurde ryych und s miech für uns
dr Somm denn erscht no d Värs.
si raffe wahlloos alles was guet lauft.
noo Läggerli und BaZ nimmt uns doch wunder
hänn si dr FCB emänd scho kauft?
Kaufet doch e Schnitzelbangg – als näggschte Schritt das wärs!
Mir wurde ryych und s miech für uns
dr Somm denn erscht no d Värs.
Das isch dr Trader Kweku Adoboli,
wo in dr Kischte zrugg ans Zogge dänggt.
Sy übel Milliarde-Monopoly
hätt mit em Grübel fascht no d Bangg versänggt!
Dr Hildebrand zoggt sälber nit, dr Blocher gseets verkeert,
was isch denn lätz wenn d Ehefrau s Huushaltgäld vermeert?
wo in dr Kischte zrugg ans Zogge dänggt.
Sy übel Milliarde-Monopoly
hätt mit em Grübel fascht no d Bangg versänggt!
Dr Hildebrand zoggt sälber nit, dr Blocher gseets verkeert,
was isch denn lätz wenn d Ehefrau s Huushaltgäld vermeert?
Die EU-Fritze miesste z Basel wohne,
die wo freyzügig Regle uuse löön:
Me drifft am Oobe als wie mee Persone,
wo vyl z freyzügig uff em Drottwar stöön.
Unglaublig, was sich do so brüschtet - dangg Silikon mit volle
Büüse, wo me, gmäss em Bruttogwicht,
sträng gnoo miesst verzolle.
die wo freyzügig Regle uuse löön:
Me drifft am Oobe als wie mee Persone,
wo vyl z freyzügig uff em Drottwar stöön.
Unglaublig, was sich do so brüschtet - dangg Silikon mit volle
Büüse, wo me, gmäss em Bruttogwicht,
sträng gnoo miesst verzolle.
Wo dr Dominique Strauss-Kahn in syner Suite
zem Bad uss steppt, losst är sich wiescht lo goo;
"I need it quick“ stöönt är zer Kammergrytte:
"I have e bitzli vyl Viagra gnoo.“
Schnäll gnüttlet si dr Vogel Strauss vom geile Dominigge,
Und motzt, well är nur Euro gitt: „wottsch mi e zwaits Mool leege?"
zem Bad uss steppt, losst är sich wiescht lo goo;
"I need it quick“ stöönt är zer Kammergrytte:
"I have e bitzli vyl Viagra gnoo.“
Schnäll gnüttlet si dr Vogel Strauss vom geile Dominigge,
Und motzt, well är nur Euro gitt: „wottsch mi e zwaits Mool leege?"
Dr Blocher wott nur d Basler Zytig stergge,
und d Mainigsaifalt in dr Region;
dass är derhinter steggt, soll kaine mergge,
drum macht statt ihm dr Somm d Redaggzioon.
So hämmer jetz e Käsblatt doo, für höggschtens 2,3 Dotteli,
wo s könne lääse und au das – nur dangg de vyle Fotteli.
und d Mainigsaifalt in dr Region;
dass är derhinter steggt, soll kaine mergge,
drum macht statt ihm dr Somm d Redaggzioon.
So hämmer jetz e Käsblatt doo, für höggschtens 2,3 Dotteli,
wo s könne lääse und au das – nur dangg de vyle Fotteli.
D Physigg stoot Kopf, me haig e Daili gfunde,
wo überliechtschnäll uff Italie flitz;
dää Dailistrahl kunnt aa in Giglio unde,
und streift das eländ Grüzzfahrtschiff e bitz.
Dört byyme die Neutrino dr Schettino bös in Not
mit volle Unterhose - superschnäll ins Rettigsboot.
wo überliechtschnäll uff Italie flitz;
dää Dailistrahl kunnt aa in Giglio unde,
und streift das eländ Grüzzfahrtschiff e bitz.
Dört byyme die Neutrino dr Schettino bös in Not
mit volle Unterhose - superschnäll ins Rettigsboot.
Dr Fulvio Pelli lyydet Quale noo de Waale,
vyl z lang hett är de Bangge dient als Gnächt.
Dää unFrei unSinn mit de Liberale –
hett nüt brocht und rasiert isch er au schlächt.
Jetzt suecht me in dr FDP e Presidänt mit Haltig
wenn kain sich mäldet gäb s jo no, im Fall, d Konkursverwaltig.
vyl z lang hett är de Bangge dient als Gnächt.
Dää unFrei unSinn mit de Liberale –
hett nüt brocht und rasiert isch er au schlächt.
Jetzt suecht me in dr FDP e Presidänt mit Haltig
wenn kain sich mäldet gäb s jo no, im Fall, d Konkursverwaltig.