Laif-Uffnaame gits naduurgemäss kaini aber mit hänn d Värs trotzdäm yygsunge
aifach under em Bangg uffs Dreiegg gligge und mer föön aa singe, falls es e Uffnaam git.
aifach under em Bangg uffs Dreiegg gligge und mer föön aa singe, falls es e Uffnaam git.
Mir mien Euch wider warne – Kamerade:
kuum stoot das Ozeanium – sott ab Mai
e kain in Rhy und Birsig welle bade:
denn d Haifisch haues via Haiwoog hai.
Das gitt e hai-den Exodus – dass uns scho hai-llos graut,
wenn me das Beggi gnau so dicht – wie dr Wooghoof baut.
kuum stoot das Ozeanium – sott ab Mai
e kain in Rhy und Birsig welle bade:
denn d Haifisch haues via Haiwoog hai.
Das gitt e hai-den Exodus – dass uns scho hai-llos graut,
wenn me das Beggi gnau so dicht – wie dr Wooghoof baut.
Hetts in dr Fertig-Pizza – Lipizzaner ?“
froggt e Kund im Konsi d Kasse 2;
„Solangs nur Ross drin hett – und kai Indianer,
isch uns dr gnaui Inhalt ainerlai.
Doch syt mir sälli Pizza ässe, hämmer Mieh mit Pfunde:
druff hämmer in dr Schüsslen unde – e Huef samt Yyse gfunde.
froggt e Kund im Konsi d Kasse 2;
„Solangs nur Ross drin hett – und kai Indianer,
isch uns dr gnaui Inhalt ainerlai.
Doch syt mir sälli Pizza ässe, hämmer Mieh mit Pfunde:
druff hämmer in dr Schüsslen unde – e Huef samt Yyse gfunde.
Amorphophallus – das boddanisch Wunder,
dää Riisestiil – stiilt jedem Phallus d Schau;
dergeege isch e Mammut-Penis Plunder,
und dufte duet das Wunderding wie d Sau
Wo mir an däre Bluemeschau ganz baff sinn – rieft e Frau:
„Esoo wie dää Titanfurz doo – schmeggt my Maa als au!“
dää Riisestiil – stiilt jedem Phallus d Schau;
dergeege isch e Mammut-Penis Plunder,
und dufte duet das Wunderding wie d Sau
Wo mir an däre Bluemeschau ganz baff sinn – rieft e Frau:
„Esoo wie dää Titanfurz doo – schmeggt my Maa als au!“
Jetz mien mir doo e neui Drammfarb wähle:
Grien 1 – Grien 2 – Grien 3 oddr Grien 4?
Wieso muess d BVB uns Fahrgescht quäle?
Wieso mien Drämmli grien sy – nunndedier?
Zem Byspyl holt jo d BLT – syt Joore scho – broscht Nägeli!
Die Rammel, wo in d Stadt wänn koo – wies ghöört in gääle Wägeli.
Grien 1 – Grien 2 – Grien 3 oddr Grien 4?
Wieso muess d BVB uns Fahrgescht quäle?
Wieso mien Drämmli grien sy – nunndedier?
Zem Byspyl holt jo d BLT – syt Joore scho – broscht Nägeli!
Die Rammel, wo in d Stadt wänn koo – wies ghöört in gääle Wägeli.
Dr Rhy ab schwimmt e Maa – und friert an Ranze,
vom Gotthard via Chur zem Kaffi Spitz;
für Schwyz Tourismus goot dä Maa uffs Ganze,
dyriffdiffdiff vor Kelti styff – e bitz.
Wo men en z Basel uffdaut – maint dr Morin zue däm Schwimmer:
“Das schwimmende Versager-Gfüül – das han y sälber immer!”
vom Gotthard via Chur zem Kaffi Spitz;
für Schwyz Tourismus goot dä Maa uffs Ganze,
dyriffdiffdiff vor Kelti styff – e bitz.
Wo men en z Basel uffdaut – maint dr Morin zue däm Schwimmer:
“Das schwimmende Versager-Gfüül – das han y sälber immer!”
“Isch das e Bombe ?” – möchte mir begryffe,
überall hetts Schärbe – Schall und Staub.
Mr nämme s Delifoon – drotz Oorepfyffe,
und wähle d Füürwehr – 118 – glaub?
Dört keucht dr Füürwehrgfreyti Fritz:
„Lütt morn a, wenns no längt,
mr hänn e Grillfescht won e bitz
dr üblig Rahme sprängt.“
überall hetts Schärbe – Schall und Staub.
Mr nämme s Delifoon – drotz Oorepfyffe,
und wähle d Füürwehr – 118 – glaub?
Dört keucht dr Füürwehrgfreyti Fritz:
„Lütt morn a, wenns no längt,
mr hänn e Grillfescht won e bitz
dr üblig Rahme sprängt.“
Wie wärde mir dä Benedikt vermisse!
Wieso wirft är sy Hirtestab vor d Säu?
Hett är in syner Doggterarbet bschisse?
Das wär bi dütsche Promi au nit neu.
Är haig dr Hailig Stuel verkauft – dämm ryyche Mackeroni
Habemus Papam – omnipotens – Ave Berlusconi!
Wieso wirft är sy Hirtestab vor d Säu?
Hett är in syner Doggterarbet bschisse?
Das wär bi dütsche Promi au nit neu.
Är haig dr Hailig Stuel verkauft – dämm ryyche Mackeroni
Habemus Papam – omnipotens – Ave Berlusconi!
Das CERN in Gänf hett's noochegwiise – laider,
sy hänn das Higgs Bosoon fotografiert;
ganz hinde in dämm LHC Collaider,
e Dings – wo d Schwärgraft materialisiert
Wie schön wärs in dr Sauna – ohni die Bosoone-Bloog:
kai Hängebrüscht und Schwabbelbüüch
und wyt und breit kai Woog!
sy hänn das Higgs Bosoon fotografiert;
ganz hinde in dämm LHC Collaider,
e Dings – wo d Schwärgraft materialisiert
Wie schön wärs in dr Sauna – ohni die Bosoone-Bloog:
kai Hängebrüscht und Schwabbelbüüch
und wyt und breit kai Woog!
Sinn unsri Schi Ass – ooni Didier Cuche,
au unter „ferner liefen“ kuum derby.
Dr Janka und Defago dien enttüsche,
hänn die denn pfundwyys Styygwax an de Schi?
Mir 4 vom Schiclub Adullam – Seniore, Renn-Team A,
kömme drotz de Langlaufschi als schnäller unten aa.
Und hätte die vom Schiclub Lamm – si nit e bitzli gschoobe
no wäre d Schwyzzer Abfahrtcräcks – allwää jetzt no doobe.
au unter „ferner liefen“ kuum derby.
Dr Janka und Defago dien enttüsche,
hänn die denn pfundwyys Styygwax an de Schi?
Mir 4 vom Schiclub Adullam – Seniore, Renn-Team A,
kömme drotz de Langlaufschi als schnäller unten aa.
Und hätte die vom Schiclub Lamm – si nit e bitzli gschoobe
no wäre d Schwyzzer Abfahrtcräcks – allwää jetzt no doobe.
Dr Maurer groundet unsri Kunschtflugstaffle,
nadürlig macht dr Darbellay e Gschyss.
Bim Wandre ghörsch die nümmen umme raffle,
d Patrullie haisst jetz neu – Bredullie Suisse.
Dr Grund liggt klar bim Fluugi – Ueli, sags doch ohni z liege:
für Kunstflug miesst dr Gripen jo – au no könne fliege.
nadürlig macht dr Darbellay e Gschyss.
Bim Wandre ghörsch die nümmen umme raffle,
d Patrullie haisst jetz neu – Bredullie Suisse.
Dr Grund liggt klar bim Fluugi – Ueli, sags doch ohni z liege:
für Kunstflug miesst dr Gripen jo – au no könne fliege.
Ebb d Stadt mit Baselland söll fusioniere,
wird als Studie gfasst – und denn studiert.
Doch zeerscht muess eusä Landroot eruierä,
ebb me zem Kchaffi – Gipfeli serviert.
„Jää... und dr Zucker ? – duet ain insistierä,
“wird dää uus eusne Runckle brouduziert?“
„all Pfupf wai d Stedter d Landschaft annecktierä!”
hett ain die Studiä scherfstens gryttisiert;
Mer dörfe mit so Studiä – uff gar kchai Fall brässierä:
mer müesse zerscht studierä – öbb mir d Studie wai studierä“.
wird als Studie gfasst – und denn studiert.
Doch zeerscht muess eusä Landroot eruierä,
ebb me zem Kchaffi – Gipfeli serviert.
„Jää... und dr Zucker ? – duet ain insistierä,
“wird dää uus eusne Runckle brouduziert?“
„all Pfupf wai d Stedter d Landschaft annecktierä!”
hett ain die Studiä scherfstens gryttisiert;
Mer dörfe mit so Studiä – uff gar kchai Fall brässierä:
mer müesse zerscht studierä – öbb mir d Studie wai studierä“.